Post isch cho!!
No es letscht mal morn am 28. November vom 10.00 - 18.00 Uhr bim gheime Ort verbii luege, es het nomal öpis dete für eu! :)
Damit ich weiss, wer mir so fest ghulfe het i de letschte paar Wuche, wärs super, wenner doch uf de Charte vo bim gheime Ort parat liht würdet unterschriibe!
Eue Samichlaus
Jetzt macht alles Sinn!
soo, jetzt simmer endlich amene sichere Ort und chönd eu verzelle, was ich, de Samichlaus, im Gfängnis erfahre han.
Es isch nemli gar nöd min Fehler gsii, dases so viel Salz anstatt Zucker im Esse gah het und drum de Schmutzli so Buuchweh gah het! Sondern de Obersti Samichlau höchst persönlich het mich manipuliert!!
Was genau passiert isch, chönder im Chatverlauf zwüschet em Wächter und em Oberste Samichlaus lese! Unverschämt so öpis!!
Ich hoff jetzt eifach nur, dass de Obersti Samichlaus für sis Verhalte bestraft wird.
Bin gspannt, ob i de nächste Täg Post chunt, wo drin staht, dass ich de Wettbewerb gwunne han und so de neui Obersti Samichlaus wird!!
Ich halt euch ufem Laufende.
wärmsti Grüess
Samichlaus und Schmutzli
De Samichlaus isch frei!
Liebi Pfadis
Dank eu ischmers endlich glunge de Samichlaus z befreie!
De Samichlaus het während de Ziit im Gfängnis spannendi Bewiis gfunde. Mir informieret eu sobald mer alles klärt hend!
Eue
Schmutzli
Wuhuu mir hend d Alarmalag chöne deaktiviere!
Danke vielmal für eui Unterstützig! Jetzt staht de Befreiig nüt meh im Wäg!
Rettig vom Samichlaus
Liebi Teilnehmendi
Am Samichlaus sini Sekretärin het sich wieder mitere Videobotschaft bi eus gmolde: Wie ihr gsehnd brucht de Schmutzli unbedingt eusi Hilf zum de Samichlaus usem Gfängnis zbringe.
Dafür münd ihr morn die 4 Standört (ide richtige Reihefolg) ufsueche und ah jedem Ort nach eme 2stellige Code sueche, nach dem ihr alli 4 Blätter mitem Code druf gfund hend sötteder en 8 stellige Code becho.
De Code chönder denn uf dere Site: https://link.pfadis.ch/alarmanlage bi passwort igeh, de username isch: samichlaus.
Wenn ihr das richtig gmacht hend, sött dAlarmalag vom Gfängnis deaktiviert sie und mir chönd de Samichlaus endlich no rechtzitig vorem 6. Dezember befreie.
Bitte lönd aber dBlätter mitem Code det wos sind, so dass sie alli gsehnd.
Au das Wuchenend döffed ihr gern eui spannendi Abentür bide Suechi nachem Code mit Bilder dokumentiere und de Sekretärin (fubuki@pfadis.ch) zuecho lah.
Viele liebe Dank für eui Hilf!
D' Hiiwiis zum Entschlüssle vo de Alarmahlag findeder da:
- Codeziffer Nr. 1
- Zusatzinformation Codeziffer Nr. 1
- Codeziffer Nr. 2
- Zusatzinformation Codeziffer Nr. 2
- Codeziffer Nr. 3
- Codeziffer Nr. 4
Danke!
Ich bin begeisteret vo euere Kreativität! Eifach nume WOW!
Hoffentlich laht sich de Obersti Samichlaus so überzüge, dass euse Samichlaus unbedingt muess am 6. Dezember debi sii!
Liebsti Grüess
Schmutzli
De Samichlaus wird ahklagt?!
Liebi Helferinne und Helfer
Ich chan chum glaube was hüt passiert isch! Ich bin am verzwiifle...! Wieso so churz vorem 6. Dezember?!
Mir müend am Oberste Samichlaus unbedingt zeige, dass euse Samichlaus de Allerbesti isch und dass er das Jahr uf kein Fall derf fehle! Ich bin zwar en erfahrne Schmutzli, aber de Samichlaus-Tag ohni Samichlaus isch doch kein Samichlaus-Tag!
Wärmsti Grüess
Schmutzli
Die schönste und feinste Grittibänze nachem Rezept vom Samichlaus
Danke, dass ihr alli so fliisig für mich bache hend! Jetzt hani doch no e Chance zum de Wettbewerb z'gwünne und so de besti Samichlaus uf de ganze Welt z'werde!
11/07/20
Versalzni Guezli und en verzwiiflete Samichlaus
Scho sehr bald isch wieder de 6. Dezember und das heisst für de Samichlaus, dasses nüme lang gaht, bis ganz viel feini Sache parat sii müend.
Und genau jetzt im Endspurt isch öpis mega blöds passiert...!
Was genau, verzellt er eu da:
s Gheimrezept findeder am Samstig 07. November vom 10.00 - 18.00 Uhr am beschriibene Ort.
Alli wiitere Infos dezue sind i dere gheime Nachricht versteckt:
Highlights:
© pulacha.ch, 2012